Vo-nos-là moussîs è l’autone, lès djoûs vont discrèche rad'mint èt su l’mwès, nos pièdrans d’abôrd deûs eûres di lumiére. Lès brouliârds vont riv’nu, maîs on dit bin sovint qui «l’brouliârd do matin n’arête nin l’pèlerin»…Bèlotemint, lès fouyes vont èrègnî (rouiller) èt lès aubes vont prinde li coleûr di l’ôr. Li nature va candjî d’moussemint come po nos fé oneûr. L’autone a l’chârme èt l’douceû dès afaîres qui finichenut. Totes lès prunes sont dèdja violètes, lès pomes djanichenut divant d’rodji do plaîji di nos plaîre, lès pwâres pidenut doûcètemint leû coleûr èt lès gayes crèv’nut leû pèlake po nos priyî di lès ramasser. Nos f’rans conichance avou lès bonès grosses sopes, lès potéyes èt l’jibier qui pidront l’place dès frisès salades. On s’sovèrè ossi qui lès djins d’nos djins racontin.nes voltî lès longuès chîjes di leû vî timps au culot do feu tot choûtant djèmi l’vint dins lès plopes (peupliers), come li vîye ôlodje qui disgrin.neûve (égrèner) lès eûres dins s’bèle vîye caîsse di tchin.ne.
Ch. MASSAUX
Si les «Chouettes Biyèts» vous plaisent, si vous aimez lire le wallon, n'hésitez pas à lire «LI CHWES», la seule gazette écrite en wallon. Lîre «LI CHWES», c'èst l'mèyeû dès r'mèdes conte li neûrasténîye! Vos p'loz r'çûre «LI CHWES» par abon'mint: 12 euros po lès 10 numèros d'l'anéye.
C.B. 751-2002976-63.«LI CHWES» 5100 Wépion.Rens.: Tél. + Fax: 081/46.01.51.
Pour réagir à cet article: namurchouette@gmail.com
Aucun commentaire:
Enregistrer un commentaire